آرسیــز  یاشـایـب  یـوز ایـله  قالدی   نه یه لازیم
بیگانـه لـره   مهرینـی    سالـدی     نه یه  لازیم

مین  حورمت  ائـدن  دوستـا  یادا یاکــی   رقیبه
بیرآندا   دونوب   باشینا   چالدی     نه یه  لازیم

عارفــدن  آلان   درسینــی  عرفانـه    یتیشـدی
غفلت ده یاتان  باش کی  کاهالدی  نه یه لازیم

فرزانـــه   یئتر   صلح  و صفایـــه    بو  جهانـــدا
جاهیللـر ایشــی  قیل ایله  قالدی   نه یه لازیم

تانری  یارادیب  خلقینه  خدمت  ائده  هرکسی
ائللر آرا   کیم   فتنه نی    سالدی   نه یه لازیم

سیندیردی  منی  سیریمی   بیگانیه   ساتــدی
سوندان   گلبن   کونلومـــو  آلــدی   نه یه لازیم

بیر  دیل کی اولور  شهدوشکر  موحتاج   اولاندا
ایش آشدی دونوب هرکیمی چالدی نه یه لازیم


اندازه یئمـک   فکرائله   اینسان  اوچون   حقدیر
آرتیــق  یئنیــن  قارینــی  خارالـدی  نه یه  لازیم

مهـریـلـه وئـره زهـرینــی  عدا   مـنــه   نوشـدیـر
منت لـه  وئریب  دوست دئیه بالدی  نه یه لازیم

واخسیز دولانیب بارلی باغی سیـر ائدن اینســان
ال ورسـا  اگـر  میوه کی  کالدی  نه یه   لازیــم

سوزسوزکی(صبا)نین سوزویوخ واختی کوتاردی
افسوس  اولا  سوزلر  پارا قالدی   نه یه  لازیم


جبرائیل جعفرپور (صبا)