انجمن ادبي مارال تهران

دنيزدن دوروسان گونشدن آيدين

جمالين نوروندان عالمه  يايدين

اولادي  گورمگه آنلاري سايدين

محبت  پارلايير    اوزوندن    آنا

گوزلدير  گوزلرين   گولدير ياناغين

نغمه لر  اوخوردو  غونچا   دوداغين

اولاندا بشيگيم ايستي قوجاقين

يوخونو  پاي آلديم  گوزوندن   آنا

حله ده   سئويرم  آنا    نغمه سين

آختارير  قولاغيم  او لاي لاي سسين

چيرپينيب  سينديرسا اوره ك قفسين

دييه جك   عشقينين   دوزوندن     آنا

ياپيشدين  اليمدن   تا  توتام    اياق

آرخامدا سن اولدون داغ كيمي داياق

ياتمادين گئجه لر سن قالدين  اوياق

ائولادين  چوخ  سئون   اؤزوندن   آنا

سن ده كي محبت آرتيغدي سايدان

كؤرپه يديم قورودون قورخولو  هايدان

اؤرگتدين نه گؤزل گئچمگي  چايدان

چوخ يوللار   اؤرگنديم  سؤزوندن  آنا

آي "صبا"   آنامين   قدريني    بيلم

باغبانين  يوزونه  گول  كيمين گولم

قوجاليق ژاله سين گؤزوندن سيلم

اؤپه رم  گول  كيمي  اوزوندن    آنا

جبراييل جعفرپور (صبا)