انجمن ادبي مارال تهران

شاخداسي دوندوران ائوي نئيليرم

تنديري  كؤزرَن  دالانا   قوربان

ديل بيلمز مين اولا نيه گركدير

سؤزو  ايشاردن   آلانا  قوربان

قويما هئچه گئدسين عؤمرومون يازي

شوقيله  ياز  قلم  معنالي  يازي

هر آشيق  الينده  صدفلي سازي

 عرفاني اوخويوب  چالانا قوربان

شاعرين اولماسا دوزگون نيتي

بهره سيز قالاجاق بوتون زحمتي

معناسيز اولسادا  مين كتابتي

معنالي بير سوزو قالانا  قوربان

هلبت كي "صبا"نين سوزو پند اولار

قوشماسي غزلي قالار   قند اولار

مين جاني اولسادا  ائله   بند اولار

ائلـلري  يادينــا    سالانــا    قوربان

1/ 8/ 92

جبرائيل جعفرپور (صبا)